یاساکانی ناو ئاپەکەمان

• ڕاستی زانیارییەکان: شۆفێر بەرپرسیارە لە ڕاستی و دروستی هەموو ئەو بەڵگەنامانەی پێشکەشی دەکات (مۆڵەت، ساڵانە، ناسنامە). هەر ساختەکارییەک دەبێتە هۆی سڕکردنی ئەکاونت و ڕووبەڕووبوونەوەی یاسایی.
• مۆڵەتی شۆفێری: دەبێت شۆفێر خاوەنی مۆڵەتی شۆفێریی "گشتی" کارا بێت کە لەلایەن لایەنە پەیوەندیدارەکانی حکومەتەوە دەرچووبێت.
• پشکنینی ئەمنی: پێویستە شۆفێر هیچ جۆرە پێشینەیەکی تاوانکاری نەبێت و لارینەبوونی ئەمنی (عدم محکومیة) هەبێت.

• سەلامەتی: ئۆتۆمبێلەکە دەبێت لە ڕووی تەکنیکی و میکانیکییەوە بێ کێشە بێت و هەموو مەرجەکانی توندوتۆڵی (هەزە)ی تێدا بێت.
• پاکوخاوێنی: شۆفێر پابەندە بە ڕاگرتنی پاکوخاوێنی ناوەوە و دەرەوەی ئۆتۆمبێلەکە بە شێوەیەکی بەردەوام.
• سیستەمی فێنککەرەوە: دەبێت ساردکەرەوە و گەرمکەرەوە (AC) بەبێ بەرامبەر بۆ سەرنشین کار بکات لە کاتی پێویستدا.

• پابەندبوون بە یاسا: شۆفێر بەرپرسیارە لە هەر سەرپێچییەکی هاتووچۆ (تیژڕەوی، بڕینی ترافیک لایت و هتد). کۆمپانیا هیچ غەرامەیەک ناگرێتە ئەستۆ.
• پاراستنی نهێنی: پاراستنی زانیارییە شەخسییەکانی سەرنشین (ژمارە تەلەفۆن، ناونیشان) ئەرکێکی ئەخلاقی و یاساییە؛ هەر جۆرە پەیوەندییەکی دەرەوی ئەپەکە لەگەڵ سەرنشین قەدەغەیە.
• جگەرەکێشان و ماددە کحوولییەکان: جگەرەکێشان یان بەکارهێنانی هەر جۆرە ماددەیەکی بێهۆشکەر لە کاتی کاردا بە توندی قەدەغەیە.

• نرخی دیاریکراو: شۆفێر تەنیا پابەندە بەو نرخەی کە سیستەمی ئەپەکە دیاری کردووە. داواکردنی پارەی زیادە بە هەر ناوێکەوە سەرپێچییە.
• پشکی ئەپەکە: شۆفێر ڕەزامەندە لەسەر بڕی ئەو ڕێژەیەی (Commission) کە ئەپەکە لە هەر گەشتێک دەیبڕێت.

• ناوەندگیری: کۆمپانیا تەنیا "دابینکەری خزمەتگوزاری تەکنیکییە" و وەک ناوەندێک کار دەکات بۆ گەیاندنی کڕیار بە شۆفێر. کۆمپانیا بەرپرسیار نییە لە هەر زیانێکی ماددی یان گیانی کە بەهۆی ڕووداوەکانی هاتووچۆوە ڕوودەدەن.
• کێشەی شەخسی: هەر کێشەیەکی کۆمەڵایەتی یان شەڕ و ئاژاوە لە نێوان شۆفێر و سەرنشین، دەکەوێتە ئەستۆی لایەنەکان خۆیان و لایەنی یاسایی، نەک ئەپەکە.

کۆمپانیا مافی تەواوی هەیە ئەکاونتی هەر شۆفێرێک سڕ (Block) بکات ئەگەر نمرەی (Rating) کەم بێتەوە، یان سکاڵای زۆری لەسەر بێت، یان پێشێلی هەر یەکێک لەم خاڵانەی سەرەوە بکات.